平時係香港食野就食得多，今次小編帶大家上深圳覓食，50蚊港紙大約係兌40人民幣左右，今次我地就去咗紅荔村腸粉店，用咗39蚊人仔買左一份醬肉腸¥13、同一個游水鮮蝦腸拼蔬菜豬肉粥¥26，好飽啊食到！
醬肉腸
醬肉腸比較咸，好有蔥味，一夾起啲肉醬就跌晒出黎，腸粉皮好夠薄好夠滑，彈性十足，唔怪之得做到甘多分店。
游水鮮蝦腸
腸粉皮全部都一樣又薄又滑，令人開心嘅係入面真係好多蝦！啲蝦大大隻、爽口彈牙，被薄薄嘅皮包住好正啊！
蔬菜豬肉粥
本身諗住唔會夠飽先叫埋個粥，但其實都好夠食。碗粥好綿，豬肉大大片，非常嫩，加埋生菜絲真係令人一啖接一啖放入口，點解係香港小編就搵唔到呢啲足料平粥架呢？
紅荔村腸粉其實係一間內地連鎖腸粉店，唔好睇佢係連鎖就覺得唔好，小編次次北上都會去食腸粉，而紅荔村腸粉就係其中一間高質腸粉店。以內地消費黎講，呢間鋪唔算平，但以我地黎講就真係好抵食！
今次窮人食家係咁多，你地又有咩好食推薦呢？話比小編知，等我地又去試吓先！
Tags: Homita為食家
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
